பாலகுமாரன் நினைவுத் தடங்கள் – கிருஷ்ணா

இது வெகு நிச்சயமாக தொகுக்கப்பட வேண்டிய நிகழ்வு. அவரது படைப்புகளைப் படித்த அத்தனைபேரும் கண்டிப்பாக படிக்க வேண்டிய தொகுப்பு. பார்…இதோ உன் குரு, உன் தகப்பன், உன் அய்யா , உன் நண்பன், உன் சகோதரன், உன் மெஸைய்யா எப்படி அவன் உடலை விட்டு வெளியே செல்கிறான் பார். எப்படி மேலெழுந்து நிற்கிறான் பார். எப்படி ஆனந்தக் கூத்தாடுகிறான் பார். ஹா….ஹா… அதோ இருக்கிறான்… இதோ பார் இங்கேயும் இருக்கிறான். எப்படி ஒவ்வொருவரின் மனத்துக்குள்ளேயும் செல்கிறான் பார், எப்படி அனைத்து இடங்களிலும் நீக்கமற நிறைந்து வளர்ந்து வளர்ந்து கொண்டிருக்கிறான் பார் என்று ஒரு சொடுக்கில் மாயத்திரை விலக்கிக் காட்டும் புதினமாக நான் இதைப் பார்க்கிறேன்.

– சூர்யா பாலகுமாரன்